بغداد انتي اااااااااااااأمي ** اهداء الى كل مغترب

[الكـربلائي]

حلمان

حلمان الك رديت
يابيت الاحباب
حلمان اصيح بصوت يا يمه يا ياب
متلهف اريد اشوفكم
فدوه رحت لعيونكم
يلا يا اخوتي وينكم
فتحولي هل الباب
..
يابيت اجيتك تعبان
متغرب انا من سنين
يا بيت الك عطشان
ارويني حب وحنين
بالباب ادك حيران
شو محد يرد ياعين
يابيت وين الاهل
وين ارحلوا وين
..
يابيت ياعشرت عمر
ربينا على عتبتك
مابين حزن وفرح مر
مر وحلى سلوتك
ياما صبرنا عالهجر
الايام صارت سنين
يابيت وين الاهل
وين رحلوا وين
..
يابيت ابقى عالعهد
ابقى على هيبتك
المهد انت واللحد
هنيال ساكن تربتك
ياريت يطول الحلم
ماتطلع شمس عالعين
يابيت وين الاهل
وين ارحلوا وين

[حمودي]

مشكور على هاي الكلمات الرائعه

[الكـربلائي]

شكرا على مرورك

[حمودي]

الف شكر على هذا التعبير الجميل تقبل مروري حمودي

[عازف الكيبورد]

عاشت الايادي موضوع في غاية الروعة

والاوع انها من قلمك الرائع

تقبل مروري
ننتظر جديدك

تحياتي