قصة وطن

[الحزين]

يا أخواني قبل الحجي نتعوذ من الشيطان
وبنية صافيةنبتدي ونسمّي بالرحمّن
ومثل عادات العرب اهلنه الجانو زمان
يبدون كل القصص بـ(كان يا ما كان)

* * *
كان عدنا بلد يسوى كل البلدان
إندار بيه الزمن وتغير العنوان
ملوك وثورات وحزب، صدّام وأمريكان
جرّونا من حرب لحرب وحصار بكل زمان
وتغير حال الشعب وأصبح شعب جوعان
وشكد ماتوا من القهر، وشكد هاجروا شبّان
والمهاجر يدوّر وطن، وَكْ وين الوطن يا فلان


* * *
يالْتنشد على الوطن، صار الوطن أوطان
أكراد وعرب وعجم ووياهم تركمان
كل واحد عنده علم ومغيّر الألوان
أقاليم ومجالس حكم، وجمعية وبرلمان
واسمك يا عراق اختفى، وظل بالكتب عنوان
وانّهب كنز الوطن وانباع بارخص الاثمان
والمصيبة انباع مو بس نفط، باعوا الانسان
قتل وتفجير وذبح، دم وأنقاض ونيران
وشعبك يصيح بألم ويحترق حزنان

[المهاجر]

شـكــ وبارك الله فيك ـــرا لك ... لك مني أجمل تحية .
تحياتي الك اخويه العزيز

[سحر العيون]

شـكــ وبارك الله فيك ـــرا لك ... لك مني أجمل تحية . تقبل مروري سحر العيون

[حمودي]

مشكور وبارك الله فيك

[عازف الكيبورد]

عاشت الايادي شعر رائع
والاروع انهامن قلمك المميز

تقبل مروري

ننتظر جديدك
تحياتي