شهداء الجامعه(ارجوا ان تقرأوها بتمعن)

[اسد العراق]

قصيدة لشهداء كلية الدارة واقتصاد(وكل شهداناء الطلبة) اصدقائي الف رحمة الله على ارواحهم الطاهره



اجه الموت ونجحتوا ابمتيازات
وكلمن حصل الشي اليريدة
حصلتوا (الشهادة )بلا دراسات
شهيد انت طلع وانت شهيدة
*****
*****
الى كل الشهداء وبالخصوص الى شهداء العلم والدراسة
والى شهداء كلية الادارة واقتصاد


طلاب الشهادة

الاهي اتذبحوا
من عدنا شبان
بجريمة اعله العباد وانت معبود
مضلومات
يا ربي (العفيفات)
وبقن (ربطاتهن) عالحادثة اشهود
**
لوندري الحرب
بالجامعه اتصير
نسد الجامعه انلبسكم جنود
***
يشبان العلم
مو يومكم هذا
اذا رحتوا بعد شيردكم اردود

اشوي تانوا بعد
خل نشبع وداع
فركتكم تراها تكطع الجبود
***
طول بطول
يمشون اوية الاحلام
وعدهم جان للمستقبل اوعود

ولف احلامهم
واتمدد الموت
اوية الطلاب طول بطول ممدود
***
نضمكم عود
ردنه الباقي الايام
نرد بيكم املنا العاش مفقود
***
زرعوكم اهلكم
بين الضلوع
او توه الغصن طك وخضر العود
وعلى غفلة
زرعهم حصدته النار
مناجل للمنايا الموت حاصود

اهلكم
بلي صاير ما يصدكون
ياهو انروحلة ايكول ابني موجود
***
ام فلان
ترفض ميت فلان
وابو فلانه يتاني (ابنيته) تعود
****
يحلوين الوجوه
وجنكم اطيور
طبع الموت للحلوين صايود
****
(عمت عيني) عليكم
كامت اتصيح
(مهدلة) الجامعه وتلطم عالزنود

عصافير الصبح
بالجامعه تنوح
وعليكم كام يبجن حتى الورود

منادر نومكم
نسالها وتصيح
للتربان راحت ذيج الخدود
****
يحلوين المعاني
وترفة الرسوم
بساعات الفرح متحدكم احدود

الدنية ما تلمكم ...
من تضحكون
عمت عين الوكت لمتكم (الحود)
***
ما كملتوا.... خل تبجي الدراسات
يم( بيبان) اهلكم تكعد اكعود

ما (علكتوا)
عالحايط شهادات
ربعكم علكوهن بس قطع سود

[حمودي]

مشكور وانشاء الله التواصل تقبل مروري

[ساسوكي الاعظمية]

شـكــ وبارك الله فيك ـــرا لك ... لك مني أجمل تحية . تقبل مرويري

[سحر العيون]

دام لنا عطاؤك اخى ودام ابداعك
تحياتى لك




http://iraqnaa.com/ico/image/t022.gif