ذهـــــب شعـــــــــــــرك

[اسد العراق]

ذهب شعرك
تدلل يالذهب شعرك يالخدودك ورد جوري
ولا أملك يالمعدل اذا ملتني شهوري
الك بس انته اغنيلك الك يا اغلى جمهوري
انا الشعر اللي حار وياك ما ترهم على بحوري
ولك وسط الكَلب تنور ابد ما يطفه تنوري
واطرزك بالشعر قصه وامثل دورك ودوري
وافتح بالعشق ورده واحسك لوني وعطوري
واناطر جيتك من تهل صايم وانطر فطوري
واشوفك وارتجف كلي ولا اسيطر على شعوري
واضيع بالحجي لساني ويكَف كل الحجي بزوري
وأكلك لمن تسلم هلا هلا بمرسوم جمهوري
شكلك قلعه جنت آني واجيت وهدمت سوري
أكلك بايك كليبي والمدليك ناطـــــــــــــــــوري
اضل عاشكَ سما عيونك يا ليلي وظلمتي ونوري
احبك !!! احبك لكن من احجي اخاف اني انضرب بوري

[ياسر المحامي]

عاشت ايدك اخويه كلمات في غايه الروعه والجمال تدل على
حسن ذوق ودقه في الاختيار نامل المزيد من الابداع
تقبل مروري المتواضع
تحياتي ياسر المحامي

[m!$s.nAdEeN]

عاشت ايدك على الكلمات الرائعة و على الموضوع
مشكوور

[سحر العيون]

شكرا على الكلام الساحر والذوق الرفيع تقبل مروري

[عازف الكيبورد]

عاشت الايادي شعر رائع
والاروع انهامن قلمك المميز

تقبل مروري

ننتظر جديدك
تحياتي