هدية الى كل بنت بالعالم(مواصفات خرافية)

[كونان عاشق ميمة]

عن فتاة احلامي ابحث مالكيت
وادري نص ديني الزواج يكملة
الحلاة مطلوبة لكن مو اساس
من حلات الكلب تحلة شما حلة
ما ترحب باليجي بوكفة الباب
من ورة الباب ام هلاوين وهلا
عدهو كذلة ميشة بستر الحجاب
وماشة العفة بشعرهة مشكلة
خل تحط للرمش مسكارة عفاف
وبقلم غض البصر متكملة
وتحدد الشفتين باداب الكلام
ومتى تكول الما عجبهة تبدلة
ما تقبل الغيبة ولو عالفاسقين
وكل حرف بسم النميمة تزعلة
كل اصابعهةمحابس من سماح
واسوار معصمهة بتواضعهة انطلة
الرياضة العدهة تمرين الصلات
تقضي اوقات الفراغ تناقلة
والرشاقة العدهة من شهر الصيام
تصبح برمضان مثل السنبلة
ما تتابع مودة وعرض ازياء
بالعباية ام الاتكيت معدلة
تعرف التقليد واحكام الاصول
وترجع لمرجعهة في كل مسئلة
لا حرج خريجة من قسم الخشوع
وبجامعة تقوى البنات مسجلة
تقنع بكسر الخبز لو مرهة جوع
ورغم كل هاي البساطة مدللة
تطفي همهة بروح طفلة وي الصغار
وتصبر اعلى الضيم صبر الارملة


**تحياتي اخوكم كونان**(سرمد العامري)

[حمودي]

مشكور وبارك الله فيك تحياتي حمودي

[مليت]

مشكور على هذه القصيده الجميله التي وصفت بها البنات بس اني خايف من هذه الوصف






وتقنع بكسره خبز لو مرهه جوع
ورغم

كل هاي البساطه امدللـه

والرياضه عدها تمرين الصلاه
وتقضي اوقات الفراغ بنافله

لا حرج خريجه من قسم الخشوع
بجامعه تقوى البنات مسجله

[سحر العيون]

دام لنا عطاؤك اخى ودام ابداعك
تحياتى لك




http://iraqnaa.com/ico/image/t022.gif