سالوني

[حمودي]

--------------------------------------------------------------------------------

السلام عليكم ورحمة الله وبركاته
شلونكم
دجلاوين ودجلاويات
ان شاء الله بخير
واني كاعده اقلب دفتر خواطري
لكيت فد شي ذكرني باول كلية
طبعا جامعتي جانت خارج العراق وذاك الوكت جانو العراقيين قليل
بالكلية
يعني كلنا على بعضنا بالمرحلة 5
فصارت حفلة تعارف وجان تركيزهم علينا احنا العراقيين مااعرف ليش
فسالو بنية اعرفها ليش متقبلين تتعرفين على غير العراقي وبمعنى اصح
ترتبطين بغير العراقي طبعا البنية انحرجت كلش وارتبكت واني
وكاعده كتبت خاطرة وعلقتها ثاني يوم على الجدار الحر بكليتنا
طبعا هيا باللغة العامية وكانت اولى تجاربي
فعجبني ان اشاركم بيها

سالوني
يا العراقية شنو تريدين بحبيبج؟
جاوبتهم
حبيبي الاسمر ابن الجنوب ابن الملحة
يسمعني شعر السياب ويأكلني رطب من نخلة على شط العرب
حبيبي
ابن النجف وكربلاء
يلفني برموشه السود ويخيطها الي عباية ويخاف عليا
من الهوا الطايروياخذني بيده نزور الحسين والعباس
حبيبي
ابن الحلة
يجيبلي كيمر السدة ويرويني من عيونه عسل وشهد
يوكفلي على السدة وجسر المسيب
ويكلي احبج
حبيبي
ابن الرمادي
ابن حديثة وعانة وفلوجة
دليمي بطبعه عاني بعوايده حديثي بكلامه جبوري بغيرته
حبيبي
ابن الشمال
ابن موصل ودهوك والسليمانية
ياخذني ويغسل دموعي بمي الشلال
حبيبي
ابن بغداد
ابن الاعظمية
ابن الكاظمية
ابن الكرخ والرصافة
يصبح عليا بأغاني الجالغي ويمسي بأغاني ناظم الغزالي
وياخذني على ابو نؤاس يسمعني احلا كلام الغزل
حبيبي
ابن النشمية ابن الملحة ابن العراقية
اخو خيته
حبيبي من تدور الدنيا بيا حزام ظهري وتاج راسي
حبيبي من تطعني دنياي ياخذ الطعنة بدل عني ويضحك ويكلي
فدوة اروح الج
شريف وغيور ويصون الامانة
عيونه مثل النسر تجرح الي يجرحني وياذيني
وقوته سيف تصد عني كل الالم
اسالكم
تكدرون اجيبولي حبيب بهل المواصفات مو عراقي؟
اجاوبكم
لا ماتكدرون لانو مو عراقي
شكد شفت من الناس اشكال والوان
بس
ماحلى بعيني غيرك يالعراقي يا ابن بلادي

[المهاجر]

موفق بإذن الله ... لك مني أجمل تحية .
شـكــ وبارك الله فيك ـــرا لك ... لك مني أجمل تحية .

[ريومة]

يسلموووووووووووووووو كلش حلوووو
تحياتي ريم

[المحارب2009]

الله الله الله على الكلام الراقي

السلام عليكم ورحمة الله وبركاته
تسلم اخوي على هالكلام والله عجبني وننتظر جديدك

اخوك المحـــــــارب

[سحر العيون]

دام لنا عطاؤك اخى ودام ابداعك
تحياتى لك

http://iraqnaa.com/ico/image/t022.gif

[عازف الكيبورد]

عاشت الايادي خاطرة رائعة
والاروع انهامن قلمك المميز

تقبل مروري

ننتظر جديدك
تحياتي