www.iraqht.com
09-05-2008, 04:12 PM
السلام عليكم
مكابر وي وكتنه وليلنا المانام
اونعد انجومه با الهم وحدةً وحده
او نكَضيها اليالي ابوّنة المحموم
ونرجف وي شتانه الماعرف برده
خط ماشي السنين اوبيها لوعة جوع
با الفاي ايتعشه اوبينه يتغده
زماني المازرع نبته التخضر خير
ولا غصن اصفر ايعاشر ورق ورده
من كلمة وحي الله ( أقراء ) لهذا اليوم
نشوف الضّد يجوع وينهش ابضّده
اوجن باب الحزن ردلنه والبسمار
بس ماضل ضلع حتى النه اليصده
اويوميه الطفوف اتعيد عطش حسين
وينصاب الجفيل وينكَطع زنـــده
امكابر والحزن بيه شفنه كثر اهموم
هذا اللي يفلـــه وذاكـــ اليشدّه
وغدت دنيانه ظلمه ولا تنوّر دوم
ظلمه اسمانه صارت من بعد مــدّه
وغركنه ابسيل هايج واليشوفه ايكَول
طوفانك ينوح وكلشي ايمرده
جن صار الحزن عدنه غمامة غيث
تمطر دمع من دم عينها الرمـدّه
مصيبه اتنزلت هم والنوايب عيد
ولا فرحه التمرنه وبسمة اموّده
كلها اخلاط صارت تايه الفكرات
هذا ايكَول مامش .. هذا اظن عنده
وهذا اللي يجدي اباب ما بيه دار
ويفتحله الخراب ايهشه وايطرده
وذاك البشوارع ينصب المحراب
ويمه اتثور عبوه ويندمي خــده
وطفل شايلته امه وماتعرف اشلون
تضمه اعلى اليّجفن لو تهز مهــده
العجيبه مو مرارة جوع حتى انعيش
ولا واحد يدوور حايط ايسنده
العجيبه الذب عمامه وفرع الشيبات
ويطالب با الكراسي ايدوور الكَعده
ونسو شرع الله ذاك البيه متحزمين
وركض لجل السياسه اينافس ابوحده
ولزم بيده كتاب الحكم يحكم بيه
وشمر قرأن ربه او صفكَ ابيـّده
وسفه اعلى الزمان الما نعرف اشلون
نعيده اعلى الزمان الفات وانردّه
اشما نبني نفسه انعلي البنيان
يجينه الغير فوكَ الروس وايهده
مكابر والحديث ايطول خله ايطول
اليوم الكفر ربنا ولازم انعبده
لكن ما نعبدك يا وثن فرعون
با السجيل راح اتشوفنه انعصده
وخليه ابرهه واشما يحشد اجيوش
خسف ينتظر جيشه الرايد ايحشده
وعدنه الموزمه تشهد لنا وتأريخ
وربك ابد ماظن ايخلف وعــده
منتظرين نورك يسطع من اسنين
وحكَنه الضاع كون ابجالك اترده
وتسكن كوفتك وايعم علينه الخير
وتاخذ ثار طفل الما عشكَ مهــده
ويم حيدر تقيم الجامعه ابكل صوت
ومن فقاره تقسم راس الليضـّده
اجل .. لازم نعرف المايصير ايصير
ودربك خضر ليك ولازم انمهــده
وخل تسمع طواغيت الضلال وزلم الأمريكان
العراق اليوم بسم المهدي انخلـــده
مودتي وتحياتي
اخيكم
الشاعر
احمد الصالحي
مكابر وي وكتنه وليلنا المانام
اونعد انجومه با الهم وحدةً وحده
او نكَضيها اليالي ابوّنة المحموم
ونرجف وي شتانه الماعرف برده
خط ماشي السنين اوبيها لوعة جوع
با الفاي ايتعشه اوبينه يتغده
زماني المازرع نبته التخضر خير
ولا غصن اصفر ايعاشر ورق ورده
من كلمة وحي الله ( أقراء ) لهذا اليوم
نشوف الضّد يجوع وينهش ابضّده
اوجن باب الحزن ردلنه والبسمار
بس ماضل ضلع حتى النه اليصده
اويوميه الطفوف اتعيد عطش حسين
وينصاب الجفيل وينكَطع زنـــده
امكابر والحزن بيه شفنه كثر اهموم
هذا اللي يفلـــه وذاكـــ اليشدّه
وغدت دنيانه ظلمه ولا تنوّر دوم
ظلمه اسمانه صارت من بعد مــدّه
وغركنه ابسيل هايج واليشوفه ايكَول
طوفانك ينوح وكلشي ايمرده
جن صار الحزن عدنه غمامة غيث
تمطر دمع من دم عينها الرمـدّه
مصيبه اتنزلت هم والنوايب عيد
ولا فرحه التمرنه وبسمة اموّده
كلها اخلاط صارت تايه الفكرات
هذا ايكَول مامش .. هذا اظن عنده
وهذا اللي يجدي اباب ما بيه دار
ويفتحله الخراب ايهشه وايطرده
وذاك البشوارع ينصب المحراب
ويمه اتثور عبوه ويندمي خــده
وطفل شايلته امه وماتعرف اشلون
تضمه اعلى اليّجفن لو تهز مهــده
العجيبه مو مرارة جوع حتى انعيش
ولا واحد يدوور حايط ايسنده
العجيبه الذب عمامه وفرع الشيبات
ويطالب با الكراسي ايدوور الكَعده
ونسو شرع الله ذاك البيه متحزمين
وركض لجل السياسه اينافس ابوحده
ولزم بيده كتاب الحكم يحكم بيه
وشمر قرأن ربه او صفكَ ابيـّده
وسفه اعلى الزمان الما نعرف اشلون
نعيده اعلى الزمان الفات وانردّه
اشما نبني نفسه انعلي البنيان
يجينه الغير فوكَ الروس وايهده
مكابر والحديث ايطول خله ايطول
اليوم الكفر ربنا ولازم انعبده
لكن ما نعبدك يا وثن فرعون
با السجيل راح اتشوفنه انعصده
وخليه ابرهه واشما يحشد اجيوش
خسف ينتظر جيشه الرايد ايحشده
وعدنه الموزمه تشهد لنا وتأريخ
وربك ابد ماظن ايخلف وعــده
منتظرين نورك يسطع من اسنين
وحكَنه الضاع كون ابجالك اترده
وتسكن كوفتك وايعم علينه الخير
وتاخذ ثار طفل الما عشكَ مهــده
ويم حيدر تقيم الجامعه ابكل صوت
ومن فقاره تقسم راس الليضـّده
اجل .. لازم نعرف المايصير ايصير
ودربك خضر ليك ولازم انمهــده
وخل تسمع طواغيت الضلال وزلم الأمريكان
العراق اليوم بسم المهدي انخلـــده
مودتي وتحياتي
اخيكم
الشاعر
احمد الصالحي