ياقمر

[حمودي ملك الشات]

بهيده على بختك يا كمر .. مساهر واريد اشكيلك

انه غريب ابدنيتي .. مضيّع وادور ابليلك

عن ربعة اهلي ، ودلّة الديوان ، ومواويلك

عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني , وعيون النهر

بهيده على بختك يا كمر

***

يا غربتي ...

غربة عصافير التودع اعشوشها... برفّة جنح

ويا دمعتي ...

دمعة الكاع التبكي موت اهروشها... بجيت الملح

يا دار اهلنا الطاهره ... مر العمر

عيون اليحب امساهره ...ومامش خبر

بهيده على بختك يا كمر

***

وك يا كمرنه مروتك ... حنّي الشواطي بدمعتي

كلهم كبرت اعله الصبر...والونّه صارت غنوتي

مشتاق ابوسن دجله... واشرب مايها

واعزف ترانيم المحبّه بنايها

دجله الهوى ، والسوق ، والحب ، والسهر

بهيده على بختك يا كمر

[ساحِرَة البَشَر]

ما اجمل ما قرأت
كلمات رائعه من شخص اروع

شكرا


http://iraqangel.org/up/uploads/b574277c9b.gif (http://iraqangel.org/up)

[ريومة]

يسلمووو عاشت ايدك كلش كلش حلوو دووم الابداع
تقبل مروري
تحياتي ريم

[القيصر الساهري]

ما هذا من ابداع اخي وما هذا من حبر وانت القمر ووهل يخفى تقبل مروري .....اخوك زياد

[حمودي ملك الشات]

اشكر لك مروركم نورتو الموضوع تحياتي للجميـــــــــــــــــــع

[عازف الكيبورد]

عاشت الايادي شعر رائع
والاروع انهامن قلمك المميز

تقبل مروري

ننتظر جديدك
تحياتي