القصيدة التي وجدت في جيب الشاعر رحيم المالكي وهو ميت (الله يرحمه)

[دمدومة]

انه ميت شعر واتوسل الشيطان
ياشيطان شعري انكطعت اخبارك
كبل جنك جحا وكلساع تدك الباب
ماريدن شعر مر واخذ مسمارك
ياشيطان شعري الشاعر من يموت
يتعطل فرض والكون يتدارك
انه واثق عفتني روح لارديت
يوم افراك وجهك يوم الامبارك
اشجنيت من الشعر لو سجن لو طعنات
ساعه اصفى وي ربعي وعمر نتعارك
بس لحظات محتاجك كبل متروح
اريد ارثي غني وروح اكطع ابحارك
ياصاحب غني ماعفته حد الموت
وكتب اخر قصيده من وهج نارك
جان القلم شظه والحبر نيران
الشهاده اكبر قصيده اتدوخ افكارك
فنك مثله تكتب تكدر انت تموت
ظل دور اضعاف الكوم تبرالك
غني دور ورق مالكه وماتاناك
كتبها وصعد بيها ومانزل جارك
غني والفقره ظلوا بيهم اشوصيت
غني وصيتمن من ياخذ بثارك
غني كلش غني بس بعده بالايجار
غني ياهو شريف ويدفع ايجارك
يااكبر حرامي وبكت كوم اكلوب
رجع اكلوبنا وبالموت نتشارك

[الليث الابيض]

رحم الله شاعرنا الكبير
رحيم المالكي

كلمات روعه
ونقل مميز
تقبلي مروري
الليث الابيض

[دمدومة]

رحم الله الجميع تتدلل عيوني ومنور الموضوع

[سحر العيون]

الله يرحمه الشاعر رحيم المالكي تاثرت بالكلمات والله مشاركه حلوه تقبلي مروري

[دمدومة]

منورة حبيبتي هذا من ذوقك الحلو اكيد

[ياسر المحامي]

رحم الله شهداء العراق واسكنهم الله فسيح جناته
وآلهم ذويهم الصبر وان شاء الله الامان ونصر للعراق
على الاعداء
تحياتي ياسر المحامي

[ahmedranyn]

رحم الله شاعرنا الكبير(رحيم الماللكي)

نسأل الله ان يسكنه فسيح جناته وان تكو الجنه مأواه انشأء الله

[دمدومة]

انشالله مشكورين عالمرور المميز

[angel]

ياهو المنج اشرف خاطر اشكيله
دليني يحسنه وباجر امشيله
امشيله واسولف كل حجي المهموم
كبل حفاي كالو هسه ماكو هدوم

بيتي من القنابل والقصف مهدوم
وحكومه بلا حكومه بغير دستور

تتنازع عل الكراسي والشعب حفاي
وابشرج لاغدا لاكهربا لاماي

احنه اهل النفط والكاع عز الماي
يحسنه الحكومه تكد (اتشيله) يقصد الماي

حكومتنه الرشيده ليش هالتأجيل
اي مو نزلت علينه من السما سجيل

ثلث اسنين اسمع ما اشوف اعمار
بس بعض الحكومه اصبحو تجار

بهاي اشهد يحنه بيوم وبليله
تجار الحكومه والشعب حمال

وياهو اليجي باجر يغير الحل؟؟؟؟؟؟؟؟؟؟

من هاي السوالف حملونه اثقال
اذا ينعدل وضعي ينعدل ذيله

حكومتنه الرشيده ليش هذا البوك
تره الهذا الشعب قط ما تضيع احقوق



باجر بأنتفاضه نشك كثير احلوك
عرفنه الباكنه وتعرف اليأويله

تحياتي
صقر ديالى الحزين

[المهاجر]

رحم الله شاعرنا الكبير البطل رحيم المالكي
نسأل الله ان يسكنه فسيح جناته وان تكو الجنه مأواه انشأء الله

شكرا على ما تقدم من قلمج الرائع بيننا
تحياتي لكي الغاليه

http://www.iraqht.com/vb/images/misc/progress.gif

[دمدومة]

يسلمو عيوني هذا من ذوقك الجميل ومنور الموضوع بمشاركتك الحلوة

[عازف الكيبورد]

عاشت الايادي شعر رائع
والاروع انهامن قلمك المميز

تقبل مروري

ننتظر جديدك
تحياتي