اريد انساك

[دمدومة]

اريـــــــد انســــــــــاك

اريد انساك كلي شلون بالله انساك
وكليبي اساسا" رافض المبدأ

اريد انسه كلامك كله ذاك الراح
بس حاير وين انتهي وامنين اني ابدأ

اريد انسه كل لحظة حلم جمعتني اني وياك
يلجنت الملاذ الكلبي والملجأ

حبيبي هالكلمة تذكر من كلته شلون
شلون كلبي ارتاب ولساني بلفظها خاف واتلكأ

كلت يمكن ..يمكن احبه وافي انا وياه
وعلى غدر وخيانه اكليبه يتجرأ

اريد انساك كلي شلون انا انساك
ومثل حالي بغيابك ماشفت اسوء

اريد انساك وانسه كل محبتك ذيج
يامن جنت المراكب عشكي شاطي ومرفأ

احسبه دلال وجنت امون اعليك
لا تغضب حبيبي ارجوك وك اهدأ

اريد انساك كلي شلون اني انساك
وكليبي اساسا" رافض المبدأ
__________________

[الليث الابيض]

قصيده جميله
ورائعه
تقبلي مروري
الليث الابيض

[دمدومة]

تتدلل عيوني بخدمتكم منور

[مالك الصافي]

وهمان يلي تضن بالشده تلكه اصحاب اصحاب هذا الوكت بس بالاسم اصحاب من تبتعد تنسه وبالطاري ما تنــــــــــــــــجاب ناديــــــــــت رب العرش وينــــــــــــــــك يا داحي البـــــــــــــــــــاب

[مالك الصافي]

[بدى العام الدراسي وبدت الهموم
وبيتي عالمدارس بابه صاير
نسيت ...وداعتك جيت اشتري هدوم
الك ...ومحضر اقلام ودفاتر
مو تسمع قيام ...وليش ماتكَوم؟
ومر اسمك ولا من كَال ...حاضر
الشمس طلعت علينا...مو وكت نوم
وهم عدكم صبح يا اهل المكَابر
وهم عدكم ...ضوه ...وشباج ...ونجوم
وهم ينطونكم واجب ال باجر ؟
الوالد بالوداع يصير مهموم ...وانا اثنينهن والد وشاعر
خيلك طشرتني وجنت ملموم ...وصارت طيحتي بين الحوافر
اذا عشرين يوم وما شفت نوم...شيظل بالحيل بالعشره الاواخر ؟
فراش الفاتحه لو شفته ملموم ...بنص كَلوبنا تلكَى الجوادر
يمنه المصبغه ..ودينه لهدوم
الحزنك مشترينه قماش حاضر
تمنيتك جرح ...كلساع ملجوم
وتبات الليل بشفاف الخناجر
انا يا بوي من ونيت مالوم ...نزل مني دمع يعمي النواظر
خدودي متعوده تتندى كل يوم ...وتحب الماي خشبات الكَناطر
لمت الروح بس شفادني اللوم...شلحك ؟ وبسفينة الموت عابر
المنايا عالسطح وعيونها تحوم...عليك ...ونزلتلك نسر كاسر
ستر الله نغط بديارنا البوم...اخذ عين الكَلاده وراح طاير
ديني حلاتك حلو الرسوم...بلكي انعشك دنيانا مظاهر
اظل كاظم وصبري وياي مكظوم...لوما هالخشب جوه الاظافر
اهن كاسين بهن كاس مسموم...خاف اغلط وبالمسموم اكاسر
بعنه البيت ريت البيت مهجوم....وريت اكثر بعد من هالخساير
تحب انت اللعب والكبر ملموم ...شلون تحملت وشلون صابر؟
وليش من الهوى يابوي محروم ...ونسمات الهوى تطيب الخاطر
من هو ؟ الشوفك صورة المعدوم...وليش تعلكَت ياشاب يا قاصر
ما ظنيت زرعي يروح فد يوم ...وعصافير الحزن تكَضي البيادر
من اكتب قصيده تزيد الغيوم...ومن عيني الدمع يملي الدفاتر
يبقى بهل مطر ياشعر منظوم...نصاري الحسين وبحر وافر)

[مالك الصافي]

عجايب يا زمن

شفت مرة شمس تمـــــــوز بَردانَ
وشفت ليل الشتا بكانــــــون محتر
وشفت مَيّــتْ يغَني وفرقته الدفانَ
وشفت عريس يلطم فـــــــــوكَ منبر
وشفت شجرة تدور فيـــاي تَعبانَ
وشفت زرع المسيحي شما جاله يزغر
شفت راعي تكَـــوده بظلمه طليانَ
وشفت شاه ويه الذيــــــــب يتبختر
شفت سيف أنذبح بركَاب جوعانَ
وشفت ناعـــــــــور عكس الماي يفتر
شفت ملة يغــــني وفرقـــة لطامَ
وشفت كافــــــر يصيح الله وأكبــــــر

شفت عيد الفطر كَــــدام رمضانَ
وشفت رمضان يشــرب مـــــاي مفطر
شفت مَلْك المِنـايهَ وروحَ خلصانَ
وشفت عَلامة بنص الحَضـــــرة كَفّر
شفت سيد يِسـب النـاس بلسانَ
وشفت سكيـــــــــر من سَبوه شوور
شفت مَكتــول كَام ولاوه عدوانَ
وبيده كَبور ألهّم كَــــــــــام يحفر
شفت دنيانه يــوم العيد عريانَ
وشفت صفصاف بيه أثمـــار خَضّر
شفت شاعر تْخُورَس تَيه ألسانَ
وشفت خِرسانْ بأَعلى الصْوت تِشْعر

[علي الجبوري]

موفق بإذن الله ... لك مني أجمل تحية .

[ملاك الحب البريء]

شـكــ وبارك الله فيك ـــرا لك ... لك مني أجمل تحية .

[عازف الكيبورد]

....ஐ◄████▓▒░Ξ شـكــ وبارك الله فيك ـــرا لك ... لك مني أجمل تحيةΞ░░▒▓████►ஐ