سحر العيون
08-05-2008, 04:15 AM
وادعيني اوداع المحبين ماضايج حلاته وادعيني ابدمعتج خلكي اعله الدموع اشفضاته....انه مثل الطير..لو طاحن طوارف سبكاته لو مثل ضامي ابظهاري الصيف من تنشف لهاته....عايش ابنارين اهن نار الجفه اونار الشماته....وانتي تدرين الوكت يردف علي بمكسراته حظني....دوارةكظب للضيم وافترت رحاته......لانهار ايريحني اولاليلي ليل الناس اباته........وادعيني اوداع الامايه لولدها اثنين اديها اموسراته لاتبرد شوكها اولاتكدر اتهده الغلاته......وادعيني اوداع مضنوك النفس ودموعينه امونساته اوذاك كلبي الطيبه ذاته انه.......ذاك انه اليعيش ابطيف لو طول ابعاده......يل بسمتج فرحتي او رفة جفن عينج سعاده.....او يانظر لنواظري...اوياهن وكتهن لوتراده...يل تبوك عيونج امن الليل كل لذة سواده.يل حنيني لشوفتج حن السكن غربه البلاده........يل تكولين الونين ايجيد ون الروح عاده .......هذا جانون الكلب يسري اللهب حتى برماده.......وادعيني ابسمتج اهوه الوداع البيه جلاده.......سحر العيون