قصيده للشاعر رحيم المالكي

[مالك الصافي]

رحيم المالكي
شلون تجري ومايـك ازرك يا فرات وانت ذنبك موذنب يفطر سمه
تسابكت بالطف اعلى حسين السـيوف ومايك اول سهم بصدرة ارتمة
طاح ابوالسجاد يم جرفك شهيد ابين سيفين العدا وسيف الظما
وجان سيفك احد من كل السيوف اثر على حسين حيل والمة
بس بنات المصطفى حر الجبود حسين حر وهاي للحر تلجمة
لكن انت تريد تذنب يافرات وهاي ماتحتاج شرح وترجمة
تدري مايك لو وصل يم الخيام جا روى العباس منهم صارمة
وجان ماردت روؤس اعلى الركاب وجان ردت خيلهم تكطر دمة
شلون يمك مات عطشان الحسين وماركض مايك يم جدمة وارتمة
طاعت اسماعيل صحراء الحجاز وانت شح مايك لابن حامي الحمة
ذاك ابن واحد سال ربة الجليل كيف تحيي الموتى وترد قائمة
وهذاابن حيدرعلي سيف الرسول المايهاب بدينة لومة لائمة
الكال لويكشف عينة الغطاء مايزيد اليقين الفاهمة
يافرات وتجري بعد يافرات المايشوف الحق عسى بعينة العمى
كوم طم روحك حدر كبرالحسين واعتذر لله واطلب مرحمة
كوم وغسل مايك برمل الحسين وخلي مايك يا نهر يتيميمة
ضحى باخر قطرة من دمه الشريف وظلت اخر قطرة ثورة قائمة
حسين صافي واصفى من ماي الجنان وانت مايك طين وجرفك طمة
حسين نبع الجود وانت اسمك نهر ويانهر للمنبع انطة وكرمة
حسين لومنك شرب جان ارتويت وجان اتشرف مايك ايلامس فمة
لكن انت احظ اعماك وانـــــــتهيت وسوء حظك رادلك هالخاتمة

[المهاجر]

شـكــ وبارك الله فيك ـــرا لك ... لك مني أجمل تحية

مالك الصافي

. موفق بإذن الله ... لك مني أجمل تحية .

[عازف الكيبورد]

عاشت الايادي خاطرة روعة

تقبل مروري

[سحر العيون]

دام لنا عطاؤك اخى ودام ابداعك
تحياتى لك




http://iraqnaa.com/ico/image/t022.gif