احلى ماكتب في الشعر الشعبي (معزوفه على عيون العاشقين)اريد ردود

[صلو على النبي ماعدنا لاعب]

تعال ومر عليه وشوفني شبيه
أموت الشوفتك يفلان ليليه
أحس بلون وجهك بي حزن عاشور
بس بداخلك شايلي عيديه
شبكتك بالحلم وأدري الحلم جذاب
وأحس جنت بشبكتك شبكه عذريه
طولك مثل طولك مايشبهك طول
كلك مدري شنهو اتكول حوريه
هاي اعيون عندك لوبحر قزوين؟
لودجله وفرات بكل معانيه
خصرك عرض معضد والتلزمه جفوف
واجدامك وصفهن ميه في ميه
لؤلؤ من جبينك لوعركت ايطيح
بس جفك يلوك ايصير جفيه
ومايلزم شعرك جنه مثل الماي
واتمشطه الفراشه بورده جوريه
اترف من ترافة وردة البستان
ولامثلك جذب عالكره الارضيه
لوحه اتكول جنك لونحت منحوت
يمكن موبشر واجذب اعليه
ماصدك لزمتك جني لازم ماي
والدنيه من اشوفك تنكلب بيه
أرمش مامصدك وانه أضوكن بيك
وأتلمس بطولك خاف برحيه
براءه تفيض اشوف وعاطفه واحساس
ومن كلبك اشوف اتفيض حنيه
انته اعذرني خاف اتخبلت بالشوك؟
ماشوفك كمت بس مره يوميه
رايح لاتكلي انساها مال أتروح
حاسب كل حياتك عندي بس جيه
كاعد بيه انته وانه اكولن وين؟؟
شوجنك بعيد ادنه لي اشويه
يم خدك اريد اتحطني ترجيات
حتى اكدر ابوسك وانه ترجيه

[شمس الاصيل]

شعر يحمل معاني كثيره جميل للغايه تسلم وتقبل مروري// شمس//

[صلو على النبي ماعدنا لاعب]

شكرا شموسه على هذا المرور

[ياسر المحامي]

اخي صلو على النبي ماعدنا لاعب (http://www.iraqht.com/vb/member.php?u=96)
كلمات واحاسيس جدت بها
فنثرت اروع المعاني

تحياتي الك

ولابداعك ولقلمك المتميز
واتمنالك الاستمرار

[سحر العيون]

كلمات واحساس اكثر من راقي انتقائك للكلمات دليل على احساسك الراقي شكرا تقبل مروري سحر العيون

[عازف الكيبورد]

عاشت الايادي شعر رائع
والاروع انهامن قلمك المميز

تقبل مروري

ننتظر جديدك
تحياتي