هنا تقع الابووذيه ارجو التثبيت

[كنت انا زيد البابلي]

السلام عليكم

شلونكم عيووني

هذا تجمع هو يجمع شكو ابووذيه ان كانت قديمه او حديثه

حى الي يدخل تكون الابووذات امامه الكل



وانريد من كل عضو اذا دخل الى هنا ان يطل علينه بابوذيه

وفي اي وقت دخوووووله الى هنا



وهسه اني راح ابدي بابوذيات



والي يخل بعدي هم يشرفنه بشكم ابوويه






جرح البيه كافيني وزايـــــد
واضل للموت احبنكم وزايد
بمزاد الحب اريد اكعد وزاي
واكل للناس حبك بس اليه



وحق الي تعبده الناس وحده
حبك سلب مني الروح وحده
هذني اثنين وانت اختار وحده
ترحل لو تضل صاحب اليه




وهاي شباب مني اني كاتبها



الزمن يشدني بحبله وحله
ويصعب عليه تفسيره وحله
تضل بغداد الي قمه والحله
تاج وفخر وعنوان اليـــــــــه




فصوص العين فص يمي وفص لك
يامن يووسف انت اصله وفصلك
اخيطك بيدي تدريني وافصلك
واجيبك فيت يالترهم عليه



احب طولك واحب عينك ورمشاك
واضل طول العمر امشي وره مشاك
اذا تكطع مراسيلك ورمشاك
اسوويها معارك طائفـــيـــــه






والف تحيه مني لكم
وارجووو التثبيت
حتى تكووووووووووووووووون تجمع الابوذيات

شكرأ جزيلا لكم







لو كان حبي للعراق اجرامأ ... فأعتبرووني انا اول المجرمين

[سحر العيون]

شكرا زيد وهذي ابوذيات مني اني كاتبتها انشاء الله تعجبك احبك واليحبك يعيش بوسط جنه مواحنه النحبك من الصغر جنه هواك بكلبي ضل للكبر جنه لا اني النسيتك ولا انت التخون بيه شكرا تقبل مروري

[الكـربلائي]

احبك من صغر عودي وسني
ومن حبك سقط شعري وسني
وعلى حالي بجة شيعي وسني
وثالتثهم مسيحي يون علية
تقبل مروري

[عازف الكيبورد]

عاشت الايادي شعر رائع
والاروع انهامن قلمك المميز

تقبل مروري

ننتظر جديدك
تحياتي